Адныҳәалараҿы иаҳәоит: "Ҳаҭыр зқәу Анатоли Ианкәа-иҧа!
Аҧсны Аҳәынҭқарра Акультура Аминистрра ахьӡала ишәыдысныҳәалоит шәиубилеи – 60 шықәса шәхыҵра.
Апоет, ашәҟәыҩҩы, ажурнал «Алашара» аредақтор хада, Д. Гәлиеи Т. Аџьбеи рыхьыӡқәа зху Аҳәынҭқарратә премиақәа рлауреат, Аҧсны акультура зҽаҧсазтәыз аусзуҩы, Шәара шәыҧсҭазаара зегьы арҿиара аус иазышәкит. Шәырҿиаратә мҩа иалагӡаны Шәара иаԥышәҵеит ҵҩа змам арҿиамҭақәа.
Иахьа алитературатә-ауаажәларратә журнал «Алашара» напхгара ашәҭоит, ишәылшо зегь ҟашәҵоит аԥсуа литературатә рҿиамҭақәа рӡыргаразы. Уи инаҷыданы ирацәоуп шәџьабаа аҿар аҟазара радԥхьаларазы, лассы-лассы шәжурнал аҟны ишәкьыԥхьоит арҿиара знапы алаку аҿар рҩымҭақәа.
Ишәзеиҕьасшоит зегь раҧхьаӡа иргыланы агәабзаиара, агәамч, аманшәалара. Шәҭаацәеи Шәареи шәеигымзааит. Ақәҿиара дуқәа ҳаҧхьаҟа!"