Абиблиотекақәа ианакәзаалак еиуеиԥшым адыррақәа ирхыҵхырҭоуп. Ашәҟәы иахьагьы адоуҳатә культура зыхьчо, ауаа ирызназго ируакуп.
Шәара аԥхьаҩцәа ирызнажәгоит акультура ҳаракы, аҟазарахь абзиабара, адыррақәа реизҳара. Шәусура иадышәҵо аџьабаа, ахықәкынагӡара, шәзаанаҭтә ҩаӡара аҳаракыра иахьчоит, еизнарҳауеит ҳҳәынҭқарра аинтеллектуалтә, акультуратә амчхара.
Иҭабуп ҳәа шәасҳәарц сҭахуп шәусура гәыкала шәахьазнеиуа, еизҳауа аҿар рааӡара шәџьабаа ахьадышәҵо, абиблиотекатә ус аҿиаразы шәлагалақәа рзы.
Ишәзеиӷьасшьоит агәабзиара, аманшәалара, ақәҿиара дуқәа!»