Ԥхынгәы 28–29 рзы имҩаԥысуеит Аԥсуа ҳәынҭқарратә аҿар ртеатр апремиера – Артур Лоурентс ипиеса «Вестсаидтәи аҭоурых» амотивқәа рыла иқәыргылоу аспектакль «Амра анҭашәалак».

Ишдыру еиԥш, «Вестсаидтәи аҭоурых» – ари ԥсра зқәым Шеқспир ипиеса «Ромеои Џьулеттеи» иашьашәалоу ҳаамҭазтәи пиесоуп. Раԥхьаӡакәны апиеса ықәыргыларан аҳкәажә Елизавета лхаантәи Лондон асценаҟны, анаҩс зшыкьбжьы дуу Ниу-Иорк асценаҟны ҿыцбарах имҩаԥысит, уажәы мышқәак рышьҭахь ицәырҵуеит аԥсуа сценаҟны, ҳаамҭазтәи Аԥсны адекорациақәа рыла иҩычаны, ҳмилаҭ цәаҩа аманы. Аҩныҵҟатәи аконфилкти абиԥарақәа рконфликти ианакәзаалак еснагь актуалра рыман. Хымԥада, «Амра анҭашәалак» ахәаԥшцәа ҿарацәа аднаԥхьалоит, избанзар аԥсҭазаара еиуеиԥшым аҭагылазаашьақәа ирықәшәаз афырхацәа арзааигәахара дырмариоит зеилкаара мариоу адырга ҷыдақәа.

Аԥснытәи аҳәынҭқарратә филармониа асахьаркыратә напхгаҩы Есма Џьниаԥҳа лзы режиссиорк лыҳасаб ала аспектакль ақәыргылра раԥхьатәи ԥышәоуп.

«Амра анҭашәалак» апремиера мҩаԥысуеит ԥхынгәы 28, 29 рзы С. Ҷанба ихьӡ зху Аԥсуа ҳәынҭқарратә драматә театр аҟны.