Ԥхынгәы 9 рзы акультура аминистр Гәдиса Агрбеи аминистр ихаҭыԥуаҩ Динара Смырԥҳаи ирҭааит акультуратә усбарҭақәа – В. Г. Арӡынба ихьӡ зху Аибашьратә фырхаҵара аҳәынҭқарратә музеи, Дырмит Гәлиа илитературатә-мемориалтә ҩны-амузеи.
Аминистрра анапхгареи аусбарҭақәа рнапхгаҩцәеи реиԥылараан иалацәажәеит изаамҭанутәи апроектқәа рымҩаԥысшьа, ԥхьаҟатәи апланқәа рԥеиԥш, иҭырҵааит аусбарҭақәа рҟны иҟоу апроблемақәа.
Амузеиқәа рнапхгаҩцәа Акультура аминистрра анапхгара иддырбеит амузеиқәа рҟны еиҿкаау аекспозициақәа.