Ԥхынгәы 7 рзы С. Ҷанба ихьӡ зху Аԥсуа ҳәынҭқарратә драматә театр аҟны имҩаԥысит Едуардо де Филиппо икомедиа ала иқәыргылоу аспектакль «Цилиндр» аԥхьарбара. Аспектакль арежиссиор ҿа Бенар Ақаҩба идипломтә усумҭоуп.
«Зхаҿсахьа насыгӡо Аттилио Самуель ихьӡуп. Исазҵаалоит абри ахаҿсахьа шәзааигәоума ҳәа. Зынӡаск исзааигәаӡам. Ари ибеиоу уаҩуп, аԥсҭазаараҟны ауадаҩрақәа рацәаны дрықәшәахьеит, иԥшәма диԥхахьеит. Амамзаара иахҟьаны ҭаацәарак амал шдырҳаша рхәыцит. Убарҭ дрықәшәеит иара, аха еиликааит изҿыз аус, зегьы ааихәеит. Едуардо де Филиппо ипиеса иахьатәи аамҭа иақәҿнаҭуеит. Аҭагылазаашьа иагьа ицәгьазаргьы, агыгшәыгра аҟынӡа ухы наумгароуп, ауаҩы дышуаҩу даанхозароуп. Иҳамдыруеи иахьатәи ҳҭагылазаашьаҟны ԥыҭҩык рхымҩаԥгашьа зеиԥшроу. Ианаамҭоу иқәыргылоуп. Ҳахәаԥшҩы ҳахә ишьап ари атрагикомедиа данахәаԥшлак, ԥыҭҩыкгьы аахәыцып, рхымҩаԥгашьа иацклаԥшып ҳәа ҳгәы иаанагоит», — иҳәеит Малиа.