Ииунь 30 рзы Аԥсны Аҳәынҭқарра акультура аминистр Гәдиса Агрбеи акультура аминистр ихаҭыԥуаҩ Динара Смырԥҳаи Аԥсны зҽаԥсазтәыз Аҳәынҭқарратә жәлар рышәаҳәареи рыкәашареи рансамбли Аҳәынҭқарратә хортә капеллеи русура аҭҵааразы ирҭааит.

Аҳәынҭқарратә хортә капеллеи Акультура Аминистрра анапхгареи реиԥылараан ирылацәажәеит ԥхьаҟатәи ауснагӡатәқәа, насгьы 2020 шықәса анҵәамҭазы имҩаԥыргараны иҟоу акапелла аиубилеи иадҳәалоу аиҿкааратә зҵаарақәа.

Аҳәынҭқарратә жәлар рышәаҳәареи рыкәашареи рансамбль аҟны ирылацәажәон ансамбль аҟны иҟоу апроблемақәа, анаҩс аколлектив аҟазара иадҳәалоу ԥхьаҟатәи планқәа.