Республика Абхазия, г.Сухум, ул.Лакоба, 21
Гәдиса Агрба Аԥсны жәлар рартист Руслан Агәмаа ииубилеи идиныҳәалеит
12 Хәажәкыр 2021
213
Аԥсны Аҳәынҭқарра акультура аминистр Гәдиса Агрба Аԥсны жәлар рартист Руслан Агәмаа ииубилеи идиныҳәалеит.
Адныҳәалараҿы иаҳәоит:
«Ҳаҭыр зқәу Руслан Хынтрыгә-иԥа!
Акультура Аминистрра ахьӡала ишәыдысныҳәалоит шәиубилеи. Еицырдыруа аԥсуа композитор, иаԥышәҵо ашәақәа мҩашьарада жәлар рыбзиабара рыцуп. Шәкалам иҵыҵыз алирикатә ԥҵамҭақәа аԥсуа шәаҳәаратә культура аклассика иахыԥхьаӡалоуп.
Аԥсуа артистцәа гәахәа дула шәашәақәа нарыгӡоит. Урҭ азыӡырҩы игәаҵанӡа инеиуеит, иаразнак ажәлар ирылаҵәоит, избанзар иарбан ашәазаалак иаԥышәҵо аԥсуа фольклор, аԥсуа жәлар рашәақәа шьаҭас ирымоуп. «Исхароузеи», «Раида», «Иарҳәа, иарҳәа, сылашара», «Радеда» – иззымдыруада Аԥсны арҭ ашәақәа.
Ишәзеиӷьасшьоит агәабзиара, аманшәалара, ақәҿиара ҿыцқәа шәҟазараҟны, ҩаԥхьагьы ашәаҳәаратә ҟазара абзиабаҩцәа ашәа ҿыцқәа рыла ишәыргәырӷьо алшара шәоуааит».