Ииуль 1 аҽны Аԥсны Аҳәынҭқарра акультура аминистр Гәдиса Агрбеи акультура аминистр ихаҭыԥуаҩ Динара Смырԥҳа А. Чычба ихьӡ зху Аҟәатәи аҳәынҭқарратә музыкатә ҵараиурҭа иаҭааит.
Аԥхьан аҵараиурҭа адиректор Нинель Бжьаниаԥҳа Акультура Аминистрра анапхгарахь аҳәара ҟалҵахьан, аҵараиурҭа арҽеиразы ацхыраара рырҭарц, избанзар акабинеҭқәа жәпакы рҭагылазаашьа даара ибааԥсуп.
Аиԥылараан Акультура Аминистрра анапхгара амузыкатә ҵараиурҭа аматериалтә-техникатә база ҭырҵааит, иҟарҵеит алкаа А. Чычба ихьӡ зху Аҟәатәи аҳәынҭқарратә музыкатә ҵараиурҭа, хымԥада, акапиталтә рҽеира шаҭаху.