Баграт Шьынқәба – еицырдыруа аԥсуа поет, апрозаик, аҵарауаҩ-абызшәаҭҵааҩы, афольклорҭҵааҩы, ауаажәларратә, аҳәынҭқарратә усзуҩы, Аԥсны Аҳәынҭқарра Аҭҵаарадырратә Академиа академик, Аԥсны Жәлар рпоет, Ҟабарда-Балкариа Жәлар рпоет, Д. Гәлиа ихьӡ зху Аҳәынҭқарратә премиа алауреат, «Ахьӡ-Аԥша» аорден I аҩаӡара занашьоу. Баграт Шьынқәба икалам иҵҵит ҵҩа змам ажәеинраалақәа, аҭоурыхтә роман «Ацынҵәарах», апоема «Ахра ашәа», иара убас хыԥхьаӡара рацәала егьырҭ аҩымҭақәа.