Афестиваль иалахәхоит жәлар рмузыка назыгӡо аколлективқәа, академиатә нагӡаҩцәа, афлеита, акларнет, аскрипка, арфаҟны ахәмарыҩцәа ҳәа лҳәоит Џьниаԥҳа.
"Аномерқәа зегь еиднакылоит петербургтәи афилармониа. Сара афилармониа асахьаркыратә напхгаҩы лыҳасаб ала Аԥсны ахьӡала сықәгылоит. Амҩаԥгаҩи сареи ҳаиҿцәажәара ашьҭахь аномерқәа дҳарбоит", - лҳәоит лара.
Иара убасгьы иазгәалҭоит петербургтәи афилармониа Азал маҷ аҟынтәи атранслиациа ишалаго абҵара 12 асааҭ 18:00 рзы YouTube аҿы.
Есма Џьниаԥҳа лажәақәа рыла Аԥсны афестиваль онлаин формат ала ралахәра ԥышәа дууп иахьатәи аԥкырақәа раамҭазы.