Иури Николаи-иԥа Воронов – еицырдыруа аҵарауаҩ, кавказҭҵааҩы, археолог, аҭоурыхтә наукақәа рдоктор, апрофессор, аҳәынҭқарратә усзуҩ, аԥсуа жәлар рмилаҭтә қәԥара алахәыла, ауаажәларратә еилазаарақәа рблок «Соиуз» аԥҵаҩцәа ируаку, Аԥсны Аҳәынҭқарра Апарламент актәи аилазаара адепутат, Аԥсны Ареспублика аԥыза-министр (1995), Аԥсны иҟоу аурыс уаԥшьқәа Рконгресс анапхгаҩы. Амонографиақәа 16, иара убас хыԥхьаӡара рацәала астатиақәа дравторуп.
Цәыббра 11 – аҵарауаҩ, аполитикатә усзуҩы Иури Воронов игәалашәара амш
11 Цәыббра 2020
293
Аԥсны Аҳәынҭқарра Ахада ихаҭыԥуаҩ Бадра Гәынба, Жәлар Реизара аспикер Валери Кәарҷиа, Аԥыза-министр ихаҭыԥуаҩ Беслан Џьопуа, акультура аминистр Гәдиса Агрба, аҵарауаа, ауаажәларратә еилазаара рхаҭарнакцәа, абжьаратә школ № 3 аҵаҩцәа цәыббра 11 рзы иналукааша аԥсуа ҵарауаҩ, аполитикатә усзуҩ Иури Воронов анышә дахьамадоу ашәҭшьыҵәрақәа шьҭарҵеит.
