Ииуль 7 рзы Акультура Аминистрраҟны имҩаԥысит аиԥылара – акультура аминистр Гәдиса Агрба идикылеит О. Хәынҵариа ихьӡ зху жәлар ринструментқәа роркестр анапхгаҩы Денис Арухааи артистцәеи.

Аиԥылараҟны иалацәажәон аҟазара иадҳәалоу ԥхьаҟатәи агәҭакқәа, иара убас арепетициатә база апроблема азҵаарақәа. Аминистр иазгәеиҭеит жәлар ринструментқәа роркестр аҵак ду шамоу аԥсуа жәлар рмузыкатә ҟазара аиқәырхареи аларҵәареи аус аҟны.

Иара убас Гәдиса Агрба аоркестр анапхгара агәра диргеит Аминистрра иалшо зегь шыҟарҵо аоркестр арепетициатә базеи аинструментқәа рыҵәахырҭа ҭыԥи реиҿкааразы.