Аҧсуа ҳәынҭқарратә аҿар ртеатр анапхгареи, аколлективи рыхьӡала Аҧсны акультура аминистр ҿыц Гудиса Едуард-иҧа Агрба идаҳныҳәалоит имаҵурахьы анеира!

Аџьабаа ду зцу аус аҟны изеиӷьаҳшьоит ақәҿиара дуқәеи, аманшәалареи, ачҳареи. Ҳтәылаҿы аҟазареи, абаҩхатәреи рырҿиара зхы азызкуа зегьы ҳрывагылаҩцәоуп, ҳацхырааҩцәоуп. Ҳрықәгәыӷуеит алҵшәа змоу аусеицыуреи, аилибакаареи, арҿиаратә гәацҧыҳәареи.

Убасгьы, ҭабуп ҳәа лаҳҳәоит кыршықәса акультура аус аџьабаа азызбаз Ельвира Анатоли-иҧҳа Арсалиа! Илзеиӷьаҳшьоит аманшәалареи, аинтерес зцу аус ҿыцқәеи!