65 шықәса дшырҭагылаз иԥсҭазаара далҵит Аԥсны зҽаԥсазтәыз артист, «Ахьӡ-Аԥша» аорден III аҩаӡара занашьоу, авокалтә-инструменталтә гәыԥ «Аԥсны – 67» асолист Рафаель Михаил-иԥа Гагәылиа
Рафаель Михаил-иԥа Аԥсны амузыкатә ҟазара аҿиаразы алагала ду ҟазҵаз дреиуоуп. Аҟыбаҩ ҷыда злаз, уи иԥсҭазаара зегьы амузыка иадҳәалан, Аԥсны еицырдыруаз агәыԥ «Аԥсны – 67» асолистцәа дреиуан.
Илшара дуқәа азгәаҭо Рафаель Михаил-иԥа ианашьан аҳәынҭқарратә ахьӡ ҳаракы – Аԥсны зҽаԥсазтәыз артист, «Ахьӡ-Аԥша» аорден III аҩаӡара.
Цәыӡ дууп Рафаель Гагәылиа иҟазара бзиа избоз рнаҩсгьы, Аԥсны ауаажәларра зегьы рзы.
Аԥсны Аҳәынҭқарра Акультура Аминистрра Р. Гәагәылиа иуацәеи иҭынхацәеи ирыдышшылоит.