Аԥсны Аҳәынҭқарра, ақ. Аҟәа, Лакоба им., 21 

Имҩаԥысит У. Шеқспир итрагедиала иқәыргылоу аспектакль «Ромеои Џьулеттеи» апремиера иазку апрессконференциа

Август 19 рзы С. Ҷанба ихьӡ зху Аԥсуа ҳәынҭқарратә драматә театр аҟны имҩаԥысит У. Шеқспир итрагедиала иқәыргылоу аспектакль «Ромеои Џьулеттеи» апремиера иазку апрессконференциа.

Аспектакль апремиера Аԥсуа театр аиубилеи иақәыршәаны имҩаԥысуеит - 90 шықәса раԥхьа иаԥҵан аԥсуа драматә студиа, анаҩс уи иалиааит раԥхьатәи аԥсуа профессионалтә актиорцәа рабиԥара.

«Ахәаԥшцәа ирбар рылшоит аспекталь ахаҭа адагьы, арежиссиор, асахьаҭыхҩы, алашара аиқәыршәаҩ хаҭалатәи рхәаԥшыра. Сара избахьеит аспектакль «Ромеои Џьулеттеи» ақәыргыларақәа маҷымкәа, аха ари аспектакль аиԥш зеиԥшу сымбаӡацт. Ихадоу аҩымҭа аидеиа ауп, нас арежиссиор ицәыригоит ихәаԥшыра ҿыц. Уи ауп зегь реиҳа ицәгьоу, зыхә ҳаракыу», - иазгәеиҭеит С. Ҷанба ихьӡ зху Аԥсуа драматә театр адиректор хада Нодар Ҷанба.

Ромео ироль наигӡоит актиор Бенар Ақыҩба, Џьулетта лроль нарыгӡоит ҩыџьа актрисацәа – Лана Џьапуаԥҳа, Лоида Ҭырқьԥҳа-Дауҭиа. Зынӡа аспектакль иалахәуп 19 ҩык.

«Аспектакль «Ромеои Џьулеттеи» ақәыргылара хықәкы хадас иаман аҿар рхаҭара аарԥшраз алшара рыҭара. Урҭ Москватәи, Санкт-Петербургтәи атеатртә ҵараиурҭақәа ирылганы, аԥсуа театр атруппа иалалеит. Аспектакль арепетициақәа мҩаԥысуан мызки бжаки ирзынаԥшуа, аҽазыҟаҵарақәа ирықәҳарӡит хәымз», – иҳәеит аспектакль ақәыргылаҩ арежиссиор Адгәыр Ақыҩба.

Апиеса аԥсуа бызшәахьы иеиҭеигеит апоет Геннади Аламиа.

Асахьаҭыхҩы-ақәыргылаҩ – Баҭал Џьапуа.

 

Last modified on Donderdag, 26 Ԥхынкәын 2019 09:03

Ажәабжьқәа рархив

« Хәажәкыр 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

АМИНИСТРРАЗЫ

Министерство культуры Республики Абхазия является центральным органом государственного управления, осуществляющим функции по выработке и реализации государственной политики в сфере культуры, искусства, историко-культурного наследия.

АИМАДАРАҚӘА

Аҧсны Аҳәынҭқарра

384900, ақ. Аҟәа, Лакәаба им. 21

Аҭел: +7(840) 229-75-42.

E-mail: mc_ra@mail.ru

© 2018-2024 Аҧсны Аҳәынҭқарра Акультура аминистрра || Министерство культуры Республики Абхазия ||
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых публицистических, аудио-, фото- и видеоматериалов, размещенных на сайте, допускается только с разрешения правообладателя.
Создание и обслуживание сайта :  Агентство Правительственной Связи Республики Абхазия