Аԥсуа ҳәынҭқарратә театр аҿы аспектакль "Сариа" агәаҭаратә хәаԥшра мҩаԥыргеит
17 Ԥхынкәын 2021
233
Самсон Ҷанба ихьӡ зху Аԥсуа ҳәынҭқарратә театр аҿы имҩаԥган Зарина Ҟаныҟәа лҩымҭа ала иқәыргылахо аспектакль ҿыц агәаҭаратә хәаԥшра.
Аспектакль арежиссиор Мадина Аргәынԥҳа, асценограф Нодар Ҵәыџьба.
Нестор Лакоба иарӷьажәҩан идгылаз иԥшәмаԥҳәыс Сариа лроль налыгӡоит Урыстәылазегьтәи акинематографиа аинститут арежиссиортә факультет аушьҭымҭа Амра Наҷҟьебиаԥҳа.
"Аспектакль "Сариа"- згәы ԥшқоу, ҭеиҭԥшла игәыку, ԥҳәыс ҵаӷак, аха убри аамҭазгьы ҩныҵҟала зымчхара ӷәӷәоу, згәы еицамкуа аԥҳәыс лхаҿсахьа аҵаулара аҟынӡа анеира, уи лыҩныҵҟатәи лдунеи аилкааразы ҽазышәароуп. Дызҭагылаз ухаҿы иузаамго аԥышәараҟны абри аҟара амч лызҭаз, џьаҳаным аԥышәарақәа дырҭысны, абзиабара цқьа, иҳаракӡоу ацәаныррақәа реиқәырхара лылзыршаз азхәыцроуп", - ҳәа аҳәоит адырраҭараҿы.
Аспектакль "Сариа" азыхиоуп акультура аусҳәарҭақәа анаадыртлак ахәаԥшцәа рыдгалара.