Уи аҽны 87-ҩык ауааԥсыра, ахәыҷқәеи аҳәсеи злаз, амацәаз иҭакыз Тҟәарчал ақалақь ааныжьны Гәдоуҭаҟа авертолиот иақәтәаны иԥрит.
Ари амш Аԥсны аҭоурых аҟны зегь реиҳа игәыҭшьаагоу мышны иҟалеит. 16 сааҭи 39 минуҭи рзы авертиолиот ақыҭа Лаҭа ианахыԥраауаз, ақырҭуа мпыҵахалаҩцәа аракета «Стрела – 2» агәыдҵаны иҭадырхеит. Зынӡа рыԥсы шҭаз амца иалаблит 87-ҩык ауааԥсыра, урҭ рахьтә 35-ҩык ахәыҷқәа.

Иҭахаз рыԥсыбаҩ амадоуп Гәдоуҭатәи апарк аҟны, анаҩс Лаҭатәи атрагедиа иалаблыз рмемориалтә баҟа ахьаадыртыз.
Лаҭатәи атрагедиа наунагӡа ихәра хьааны иаанхоит ҳагәқәа рҿы.
Хашҭра рықәымзааит харада иҭархаз.