Республика Абхазия, г.Сухум,  ул.Лакоба,  21 

Аԥсны акультура зҽаԥсазтәыз аусзуҩ Уасил Ақаҩба 70 шықәса ихыҵит

Аԥсны Аҳәынҭқарра Акультура Аминистрра ииубилеи идырныҳәалоит Аԥсны акультура зҽаԥсазтәыз аусзуҩ, ансамбль «Шьараҭын» ахкынагӡаҩцәа иреиуаз, Урыстәыла аҟазаратә коллективқәа «Кавкази» «Уральские зори» напхгара рызҭоз, Пицундатәи акәашаратә ансамбль «Аламыс» асахьаркыратә напхгаҩыс иҟаз Уасил Ақаҩба.

Изеиӷьаҳшьоит агәабзиара, агәамч, ашықәсынҵыра рацәа.  

 

Уасил Григори-иԥа Ақаҩба – Аԥсныакультура зҽаԥсазтәыз аусзуҩ.

Диит декабр 7, 1951 шықәсазы. Аа-класск рышьҭахь, Уасил дҭалоит Анатоли Қаԥшь дызхагылаз Аҟәатәи аҵаралашаратә ҵараиурҭа, аоркестртә ҟәша.

Ансамбль «Шьараҭын» далахәын, ахкынагӡаҩцәа дреиуан.

Еиҿикааит ахаԥшьгаратә нсамбльқәа жәпакы – Абгархықәтәи ахәыҷтәы ансамбль, Гәдоуҭатәи ахәыҷтәы акәашаратә коллектив. Акультура аинститут аҿы аҵара данҭаз Челиабинск ақалақь аҟны еиҿикааит ансамбль «Кавказ», анаҩс уаҟа ансамбль «Уральские зори» напхгаҩыс диаргеит. Аԥсныҟа даныхынҳә, акурорт Пицунда аҟны еиҿикааит ахәыҷтәы нсамбль «Аламыс». Ансамбль "Аламыс" Аԥсни, Урыстәылеи, Европа ақалақьқәа жәпаки рҿы агастрольқәа рыманы иқәгылахьан.

Уасил Ақаҩба аамҭак ашьҭахь, 28-ҩык рыла ишьақәгылаз Қаҩаа рансамбль дахагылоит.

Уасил Ақаҩба актиорк иаҳасабалагьы ихы ԥишәахьеит. Аԥсуа театр аҟны арольқәа наигӡахьеит, убас, ихадоу ароль иман аурыс режиссиор Александр Пиатков Пицунда иҭихуаз акомедиатә фильм «Парамарибо» аҟны.

Аԥсны Аџьынџьтәылатәи аибашьраан хамеигӡарыла Уасил Ақаҩба иԥсадгьыл ихьчон. Гагра араион ахақәиҭтәраан ахәрагьы иоуит. Атәыла аӷа даналцахагьы, аибашьра аветеран аҳәынҭқарра аҳәаа ахьчаразы имҩаԥгаз аоперациақәа жәпакы дрылахәын.

Уасил Григори-иԥа Ақаҩба Аԥсны акультура зҽаԥсазтәыз аусзуҩ ҳәа ахьӡ ихҵоуп. 2012 шықәсазы Аԥсни Урыстәылеи рыбжьара акультуреи анаукеи рырҿиаразы М. Ломоносов ихьӡ зху апремиа далауреатхеит. Ари аҳамҭа Пицунда дааны инапаҿы ииҭеит Урыстәыла Жәлар рартист Бедрос Киркоров.

 

Last modified on Dinsdag, 07 Ԥхынкәын 2021 16:15

Поиск по Архиву

Архив новостей

« Хәажәкыр 2024 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

АМИНИСТРРАЗЫ

Министерство культуры Республики Абхазия является центральным органом государственного управления, осуществляющим функции по выработке и реализации государственной политики в сфере культуры, искусства, историко-культурного наследия.

АИМАДАРАҚӘА

Аҧсны Аҳәынҭқарра

384900, ақ. Аҟәа, Лакәаба им. 21

Аҭел: +7(840) 229-75-42.

E-mail: mc_ra@mail.ru

Login to your account

Username *
Password *
Remember Me
© 2018-2024 Аҧсны Аҳәынҭқарра Акультура аминистрра || Министерство культуры Республики Абхазия ||
Все права на любые материалы, опубликованные на сайте, защищены в соответствии с абхазским и международным законодательством об авторском праве и смежных правах. Использование любых публицистических, аудио-, фото- и видеоматериалов, размещенных на сайте, допускается только с разрешения правообладателя.