Аԥыза-министр Александр Анқәаб анапынҵа ҟаиҵеит Нестор Лакоба имузеи ахыбра аҭагылазаашьа аексперттә хәшьара аҭазарц, аиҭашьақәыргылараз. Анаҩс Аиҳабыра аԥаразоужьра ахыҵхырҭақәа азырԥшаауеит.
Александр Анқәаб иажәақәа рыла, ахыбра аиҭашьақәыргылара ҳаамҭазтәи ашәага-загақәа ирықәшәозароуп, Нестор Лакобеи егьырҭ арепрессиатә шықәсқәа ирылаӡыз ауааи ирызку архивтә материалқәеи шықәсырацәала рыҵәахра алнаршозароуп.