Адныҳәалараҿы иаҳәоит:

«Ҳаҭыр зқәу Нугзар Ҷыҷыкәа-иԥа!

Акультура Аминистрра ахьӡала гәык-ԥсыкала ишәыдысныҳәалоит шәиубилеи. Шәара ҳаамҭазтәи аԥсуа сахьаҭыхыҩцәа иреиӷьу шәырхыԥхьаӡалоуп. Иарбанзаалак шәусумҭа – аҟазара ҳараки абаҩхатәра дуи ирхылҿиааз рҿиамҭақәоуп.

Шәусумҭақәа ҵәахуп Аԥсны Аҳәынҭқарра асахьаҭыхымҭақәа рмилаҭтә галереиаҟны, иара убас Урыстәыла, Великобританиа, Америка, Италиа, Сан-Марино, Иапониа, Ҭырқәтәыла хазхаҭалатәи аколлекциақәа рҟны. Шәырҿиамҭақәа рҟны ианыԥшуеит акы иаламҩашьо Аԥсны аԥшӡара, аԥсабара абеиара.

Аԥснытәи аҳәынҭқарратә университет аҟазара аҟәша адекан иаҳасаб ала, шәара еиҵашәааӡеит имаҷымкәа абаҩхатәра змоу аԥсуа сахьаҭыхыҩ ҿарацәа. Уи алагьы аҽарҭбаауеит шәлагала аԥсуа сахьаҭыхратә ҟазара аҿиаразы.

Гәыкала ишәзеиӷьасшьоит агәабзиара, аманшәалара, аҟазарахь ишәымоу агәазыҳәара ҿымцәаауа ҳазшаз алшара шәиҭааит!».