Ԥхынгәы 28 рзы акультура аминистр Гәдиса Агрба даҭааит Аладатәи Ешыра ақыҭан игылоу Аԥсны Аҳәынҭқарра Раԥхьатәи Ахада Владислав Арӡынба изку Аҳәынҭқарратә мемориалтә комплекс. Акультура аминистр Владислав Арӡынба игәалашәара аҳаҭыраз амемориал аҟны ашәҭшьыҵәрақәа шьҭеиҵеит. Амемориалтә комплекс адиректор Гоча Аџьынџьыл аминистр изеиҭеиҳәеит дызхагылоу аусбарҭа изаамҭанытәу аусура шымҩаԥысуа.