Асааҭ 17:00 рзы иалагоит амаланыҟәаныҟәцаҩцәа реицлабра, уи рхы аладырхәыр рылшоит агәаҳәара змоу зегьы (алахәылацәа еизоит Аҟәа Ахадара аԥхьа иҟоу апарк аҟны).

Асааҭ 19:00 рзы иалагоит аныҳәатә ныҟәара Сергеи Уасил-иԥа Багаԥшь ихьӡ зху ашҭа аҟнытә С. Ҷанба ихьӡ зху Аԥсуа ҳәынҭқарратә драматә театр ашҭаҟынӡа.

Асааҭ 19:30 рзы С. Ҷанба ихьӡ зху Аԥсуа ҳәынҭқарратә драматә театр ашҭаҟны имҩаԥысуеит аныҳәатә усмҩаԥгатә.

Аусмҩаԥгатә аиҿкааҩцәа: Аҿар руси аспорти рзы Аҳәынҭқарратә комитет, Аԥсны Аҳәынҭқарра Акультура Аминистрра, Аҟәа ақалақь Ахадара Аҿар руси аспорти рзы Адепартамент, Адунеизегьтәи Аԥсуа-Абаза Конгресс.