Аԥсны Аҳәынҭқарра акультура аминистр Гәдиса Агрбеи аминистр ихаҭыԥуаҩ Смырԥҳа Динареи Аԥснытәи аҳәынҭқарратә музеи иаҭааит аусура ҭырҵаарц.

Амузеи адиректор Аркади Џьопуа Аминистрра анапхгара амузеи аекспозициақәа дирбеит.

Аиԥылараан аминистр иазгәеиҭеит Аԥснытәи аҳәынҭқарратә музеи акультуратә, анаукатә, арккаратә усбарҭа аҳасаб ала аҵак ду шамоу, избанзар араҟа еизгоуп ҳҳәынҭқарра аматериалтә, адоуҳатә, акультуратә ҭынха.