Аԥсни Урыстәылеи Акультура аминистррақәа русеицуратә план инақәыршәаны, февраль 1 аҽны И. П. Чаиковски ихьӡ зху Москватәи аконсерваториаҟны Рахманин ихьӡ зху азал аҿы имҩаԥысуеит Аԥснытәи Аҳәынҭқарратә камертә оркестр аконцерт.

Аоркестр асахьаркыратә напхгаҩы, адирижиор хада Аԥсны зҽаԥсазтәыз артист Давид Терзиан.

Асолистцәа – Виктор Абрамиан-Ешба (аскрипка). Аконцерт иалахәуп Урыстәыла зҽаԥсазтәыз артист Маргарита Спиридонова (альт), Алина Павлова (аскрипка), Максим Орехов (гобои), Вадим Судаков ихьӡ зху Москватәи Аҳәынҭқарратә капелла артистцәа.

Иара убас аконцерт иалахәуп аскрипкарҳәаҩцәа ҿарацәа – Мариа Емилиа Терзиан-Хагба (Аԥсны), Грант Башмет (Урыстәыла).

Аконцерттә программа шьақәгылоуп Бах, Гендель, Моцарт, Гаидн, аԥсуа композитор П. Петров раԥҵамҭақәа рыла.

Аконцерт мҩаԥгахоит Москватәи аконсерваториа, Аԥсны Аҳәынҭқарра Акультура Аминистрра, Урыстәыла иҟоуп Аԥсны Аҳәынҭқарра Ацҳаражәҳәара, Москватәи аԥсуа диаспора рыцхыраарала.