Апрель 10 рзы Р. Гәымба ихьӡ зху Аԥснытәи аҳәынҭқарратә филармониаҟны имҩаԥысит Адыгатәи Аҳәынҭқарратә академиатә акәашаратә ансамбль «Нальмес» аконцерт.

«Ансамбль «Нальмес» Аԥсныҟа раара – ари есымшагьы культуратә хҭыс дуны иаҳзыҟалоит. Сентиабр мзазы Аиааира Амш аназгәаҳҭоз, ансамбль «Нальмес» роуп зегь раԥхьа иаҳхаҵгылаз, ҳныҳәагьы рхы аладырхәит. Ҳарҭ есқьынагьы рыдгылара ҳныруеит, агәахәарагьы ҳнаҭоит Аԥсны ақәгыларазы ансамбль ахаԥшьгара ахьаадырԥшуа», – иазгәалҭеит Аԥсны акультура аминистр Ельвира Арсалиаԥҳа.

Ансамбль ахәаԥшцәа ирыдыргалеит Аԥсны ирымбацыз акәашара ҿыцқәа. Иара убас ансамбль арепертуар иаларгалеит «Кәтолаа рыкәашара».

 «Ас еиӷьны џьара ҳрыдрымкылацзар ҟалап. Ҳара есқьынагь Аԥсныи Адыгатәылеи еидкыланы ҳрыхәаԥшуеит, избанзар араагьы зегьы иаҳгәакьацәашәоуп ишыҟоу. Аԥсны ҳанаауа ҳаҩнеиԥш иаабоит. Даара бзиа иаабоит Аԥсынра. Ҳара шьак ауп иҳалоу, гәык ауп иҳамоу», – иазгәеиҭеит ансамбль асахьарыкратә напхгаҩы Аслан Хаџьаев.