«Ҳаҭыр зқәу акультура аусуҩцәа, аҩызцәа, Аԥсны Аҳәынҭқарра Акультура аминистрра ахьӡала гәыкала ишәыдысныҳәалар сҭахуп иааиуа Ашықәс Ҿыц!

Ҳазҭало Ашықәс Ҿыц ишәзаанагааит ақәҿиара ҿыцқәа. Иарбан усзаалак шәнапы злашәкуа иацзааит агәышьҭыхреи, аманшәалареи, аилибакаареи!

Ишәзеиӷьасшьоит агәабзиара еиҿамс, агәалаҟазара бзиа, ашықәсынҵыра рацәа. Аҟазарахь ишәымоу агәаҳәара ҿымцәааит.

Ҽааныбзиала шәнеиааит!»