Сентиабр 16–18 рзы Аҳәынҭқарратә аҿар ртеат аҟны имҩаԥысуеит Ҷ. Џьонуа иажәабжь ала иқәыргылоу амоноспектакль «Ахра шкәакәа» апремиера. Ари аиԥш аспектакль раԥхьатәи ԥышәоуп атеатр арепертуар аҟны. Амоноспектакль ақәыргылара аидеиа дазааит атеатр актиор Беслан Лагәлаа, арежиссиор иаҳасаблагьы иҽԥишәеит. Ихадоу ароль заҵә ақәыргыламҭаҟны инаигӡоит аҿар ртеатр актиор Ахра Қәарҷиа.