Аԥсны Аҳәынҭқарра Акультуреи аҭоурых-культуратә ҭынха ахьчареи рминистрра гәык-ԥсыкала ирыдырныҳәалоит Аҳәынҭқарратә аҿар ртеатр раԥхьатәи риубилеи!
Раԥхьатәи шәыспектакльқәа инадыркны шәара иаашәырԥшит шәҟазара аҩаӡара ҳаракы. Шәыпремиерақәа ианакәзаалак хҭыс дуны иҟалоит Аԥсны акультуратә ԥсҭазаараҟны.
Иҳаҩсыз хәышықәса рыҩнуҵҟала шәара ишәылшеит зхаҿра змоу театрны ашьақәгылара, шәара ишәымоуп бзиа шәызбо, есымша ишәҭаауа ахәаԥшцәа. Уи зыбзоуроу атеатр ашьаҭа зкыз, насгьы арҭ ахәы-шықәса рыҩнуҵҟа амаҵ азызуа актиорцәеи атеатр аусзуҩцәеи шәоуп.
Шәымш аҽны Аҳәынҭқарратә аҿар ртеатр аилазаара зегьы ишәзеиӷьаҳшьар ҳҭахыуп ҩаԥхьагьы ақәҿиара ҿыцқәа, агәацԥыҳәара, атеатр ахь ишәымоу абзиабара ҿымцәааит!