«Акыр иаҧсоу Геннади Шьаликәа-иҧа!

Апоет, аиҭагаҩ, аҳәынҭқарратә, ауаажәларратә, аполитикатә усзуҩы, Аҧсныи Урыстәылеи ашәҟәыҩҩцәа Реидгыла алахәыла, ажурнал «Аҟазара» аредақтор хада. Ҳаҭыр зқәу Геннади Шаликәа-иҧа! Аҧсны Аҳәынҭқарра Акультуреи аҭоурых-культуратә ҭынха ахьчареи рминистрра ахьӡала ишәыдысныҳәалоит шәиубилеи – 70 шықәса шәхыҵра.

Шәара ҳмилаҭтә-хақәиҭратә қәҧара иалалагылаз шәыруаӡәкуп. Аҧсны азы иуадаҩыз аамҭақәа раан ҳҳәынҭқарра ҧхьаҟа аҧеиҧш аиурзы ишәылшәыршаз шьарда ирацәоуп. Аҧсны Жәлар рфорум «Аидгылара» аиҿкааҩцәа шәыруаӡәкуп, уи афорум ҳажәлар рзын гәышьҭыхганы иҟалеит.

Иазгәаҭатәуп, ҳашьцәа Нхыҵ-Кавказ иқәынхо ҳареи ҳаимадарақәа рырҕәҕәараҿы шәылшамҭақәа акырӡа ирацәоуп. Иахьагьы иҳабжьоу аиашьаратә цҳа шәыхьыӡ адҳәаланы ауп ҳажәлар ишырдыруа.

Иахьа редақтор хадас аус жәуеит ажурнал «Аҟазара» аҟны. Шәнапы иҵшәыжьуа ажурнал, ҳәарада, ақәҿиарақәа ацуп, ҳтәылаҿ имҩаҧысуа акультуратә хҭысқәа инарҭбааны ажурнал ишаныԥшуа агәра ганы ҳаҟоуп.

Ишәзеиҕьасшьоит агәабзаиара, агәамч, аманшәалара, шәыхшареи шәареи шәеигымзааит лассаамҭа. Шәыгәҭакқәа рынагӡараҿы ҳазшаз дышәхылаҧшааит. Шәыррҿиара аус аҟны иреиҳау аихьӡарақәа».