Маи 22 асааҭ 18:00 рзы имҩаԥысуеит Аҳәынҭқарратә аҿар ртеатр апремиера – Баграт Шьынқәба ироман ала иқәыргылоу аспектакль «Ацынҵәарах».

«Сара сзы ари раԥхьатәи ԥышәа ҿыцуп. Ашәҟәыҩҩ ду ироман лыԥшаах ақәыргылараз агәаӷьра ду умазароуп. Сара уи ибзианы еилыскаауеит. Ашәара шсымоугьы, сыгәҭакы мап сзацәымкит. Иҳақәҿиап ҳәа сгәыӷуеит», – иҳәеит аспектакль арежиссиор-ақәыргылаҩ Алиас Аҩӡба.

Аспектакль мҩаԥысуеит С. Ҷанба ихьӡ зху Аԥсуа ҳәынҭқарратә драматә театр асценаҟны.